SU COMUNE INFORMAT - DISINFESTATZIONE

Si comùnicat ca giòbia, su 18 de làmpadas, una dita ispetzializada at a fàghere sa disinfestatzione contra de sos bermes de sa tzìntzula e de sos bobbois noghiles. Pro disinfestare ant a impreare sustàntzias eficatzes medas, chi ant a pònnere in sas aberturas e in sos tumbinos in ue passa s'abba de sas istradas.

Sigomente non sunt sustàntzias chi tzìrculant in s'àera, non serbit peruna precautzione dae parte de sos tzitadinos.

***********************

Comune de Ardaule

Si comùnicat ca pro s'amparare dae sos bobbois noghiles de s'istiu

GIÒBIA 18 DE LÀMPADAS

s'at a fàghere sa

disinfestatzione

contra de sa tzìntzula e sos bobbois noghiles.

Su tratamentu de sas meighinas, a intro de sa bidda, at a èssere fatu in sas abertura de sas istradas e de sas coras, duncas non serbit peruna mesura de cautela dae parte de sa populatzione pro sas sustàntzias impreadas.

(MM)

UNU CONTU AFRICANU PRO SOS PIPIOS DE ARDAULE

In sa pàgina Facebook de su Sistema Bibliotecàriu de su Barigadu si podet iscurtare un'àteru contu dedicadu a sos pipios de Ardaule.

A pustis de Su corbu e su margiane de Esopo, custa borta est istadu seberadu unu contu africanu: Sa ruga e sos animales de sa foresta. Protagonistas de s'istòria sunt una ruga, unu lèpere, un'isciacallu, unu leopardu, unu rinoceronte, un'elefante e una rana.

(MM)

Su Comune informat

Pulitzia terrinos

Su Comune de Ardaule ammentat ca, comente est iscritu in s'ordinàntzia de su Sìndigu cun sas prescritziones contra de sos fogos 2020, sa nùmeru 4 de su 21 de maju 2020, a intro de su 15 de su mese de làmpadas 2020 tocat a messare su fenu e s'erba in sos terrinos, ortos e giardinos, pudare sas molas e segare sos cambos chi podent causare dannu. Si no at a èssere respetadu su chi est iscritu in s'ordinàntzia, a s'iscadèntzia, su Comune at a podere fàghere sos traballos netzessàrios betende a pagare sas ispesas a su propietàtiu de su terrinu..

S'ordinàntzia si podet consultare in s'albo pretòriu istòricu de su situ internet de su Comune.

(MM)

Su Comune informat

IMU 2020

Su Comune de Ardaule comùnicat ca, a intro de su 16 de su mese de làmpadas depet èssere pagadu s'acontu IMU pro s'annu 2020.

Su pagamentu depet èssere fatu in 2 ratas:

- Sa prima, su 50% a intro de su 16 de làmpadas;

- Sa segunda, su conguàlliu, a intro de su 16 de nadale.

Sas duas ratas si podent pagare totu paris a intro de su 16 de su mese de làmpadas.

Cun delìbera de Giunta Comunale, sa n. 32 de su 25/05/2020, est istadu dispostu

- de no aplicare santziones e interessos si su versamentu, ebbia pro sos contribuentes chi ant tentu dificultades econòmicas o atividades cummertziales firmas pro s'emergèntzia epidemiològica dae COVID 19, at a èssere pagadu a intro de su 30 de cabudanni, atestende·ddu - pro non pèrdere su benefìtziu - in su modellu aprontadu dae su Comune, a intro de su 31 de santugaine;

- ca sa santzione pro no àere pagadu o àere pagadu in parte s'imposta chi resurtat dae sa decraratzione, comente indicadu in s'art. 13 de su D.Lgs 471/1997, non si àplicat a sos chi ant pagadu sa prima rata IMU chi pertocat s'annu de imposta 2020 dèpida a intro de su 30/09/2020 pro sas atividade produtivas e cummertziales firmas pro s'emergèntzia epidemiològica dae COVID 19.

Totu sas informatziones, sas alìcuotas (sunt cunfirmadas sas de s'esertzìtziu 2019), sos agiudos pro s'emergèntzia COVID-19 e àteru, s'agatant in sa locandina allegada a su post publicadu in sa pàgina Facebook ‘Comune di Ardauli'.

(MM)

TORRANT A ABÈRRERE SAS BIBLIOTECAS, DADE ATENTU CA …

Su Comune de Ardaule informat ca dae su 3 de de làmpadas torrat a incomintzare su servìtziu de prèstidu in su modu indicadu in su comunicadu de sos operadores, postu inoghe in suta de custas rigas.

Pro como non faghet a intrare a sa Biblioteca e, duncas, su servìtziu a sos utentes si faghet in foras.

**************

Sistema Bibliotecàriu de su Barigadu

DAE SU 1U DE LÀMPADAS TORRANT A ABÈRRERE SAS BIBLIOTECAS DE SU SISTEMA BIBLIOTECÀRIU DE SU BARIGADU

TORRAMUS A INCOMINTZARE IN SEGURESA

Su 1u de làmpadas amus a fàghere su primu passu torrende a incomintzare cun su servìtziu de prèstidu in custu modu:

1) S'utente at a pòdere intrare in sa biblioteca solu a pustis de àere fatu sa prenotatzione cun una telefonada e a manera esclusiva pro leare e torrare prèstidos;

2) Podet intrare un'utente a sa borta (duos si est unu minore acumpangiadu);

3) Sos oràrios pro sas prenotatziones telefònicas sunt su lunis 09.00 - 14.00 e su mèrcuris 09.00 - 13.00 e 14.00 - 18.00 telefonende a su nùmeru 0783/651688 o mandende unu messàgiu in sa posta eletrònica a s'indiritzu bibioardauli@yahoo.it;

4) Sos oràrios de intrada a sa Biblioteca, fata sa prenotatzione, sunt:

LUNIS 09.00 - 14.00

MÈRCURIS 09.00 - 13,00 / 14.00 - 18.00

S'ammentat ca:

Su catàlogu de sa Biblioteca Comunale de Ardaule si podet consultare online in su portale de sa Regione Sardegna BiblioSar;

Faghet a s'iscrìere a su servìtziu Medialibrary online chi permitit de usufruire de su prèstidu digitale (comente libros digitales (ebook), cuotidianos, àteru).

PRO PRAGHERE LEGHIDE CUN ATENTZIONE

1) Ponide semper sa mascaredda e sos guantes pro totu su tempus chi depides abarrare pro su servìtziu de sa Biblioteca;

2) Usade su gel disinfetante postu a disponimentu in sos erogadores apòsitos;

3) Evitade de abarrare acanta, mantenende semper sa distàntzia de a su nessi unu metru s'unu dae s'àteru;

4) Rispetade sa fila;

5) Sighide sos inditos de sos operadores pro s'erogatzione de su servìtziu.

Pedimus iscusa pro su discumbèniu ma, in custa situatzione difìtzile, bos pedimus agiudu e passèntzia.

(MM)

POLITZIA LOCALE: ORÀRIOS DE S'UFÌTZIU E AGENTE NOMINADU A NOU

Su Comune informat ca s'Ufìtziu de sa Politzia Locale est abertu a su pùblicu in custos oràrios:

lunis 11.30 - 13.00

giòbia 11.30 - 13.00

S'ammentat ca, in custa fase, s'intrada est regulada; in prus, pro intrare a sos ufìtzios est de òbligu a si pònnere sa mascaredda.

A Christian, chi est s'Agente nou, sos augùrios de s'Amministratzione pro unu bonu traballu a servìtziu de sa comunidade de Ardaule.

(MM)

COVID 19 / SANIFICATZIONE

Su 1u de làmpadas est istadu fatu su segundu interventu de sanificatzione a sos locales de su Comune chi in custu perìodu sunt istados frecuentados dae sas persones e in prus, a sos edifìtzios chi, cun sas normativas noas, ant a pòdere èssere frecuentados rispetende sas mesuras de seguresa.

S'interventu de sanificatzione est istadu fatu pro preventzione e cautela.

(MM)

IMU 2020 - ACONTU

Iscadèntzia versamentu acontu: 16 de làmpadas 2020.

Est a disponimentu de badas (gratis) unu software chi permitit de carculare a manera fàtzile s'IMU de pagare e permitit de imprentare su modellu F24 giai cumpiladu in totu sas partes suas. Dae ocannu si podet pagare in deretura online.

Su pagamentu est a disponimentu in sos Càrculos (Calcoli) a pustis de àere postu a su nessi un'immòbile e de àere ingendradu un'imposta de pagare. A pustis de àere determinadu s'imposta cumparit unu tastu 'PAGA ADESSO' (‘PAGA COMO') in antis de sos tastos de generatzione de su Modellu F24 in pdf.

Carchende custu tastu e a pustis de àere postu sos datos anagràficos pro cumpilare sa dèlega, si protzedit in s'operatzione fintzas a chi si arribat a sa pàgina de resumu e a pustis a sa pàgina in ue s'acumprit su pagamentu.

In s'avisu in limba italiana publicadu in su situ istitutzionale de su Comune de Ardaule si podet intrare in deretura in su giassu in ue si faghet s'operatzione CALCOLO E PAGA ADESSO IMU

Pro informatziones

Ufìtziu/Òrganu: Àrea Econòmicu Finantziària

Referente: SONIA BOEDDU

Indiritzu: Pratza Matteotti 2, 09081 Ardaule (ARISTANIS)

Telèfono: 0783651223

Fax: 0783651573

Posta eletrònica: ragioneria@comuneardauli.it

(MM)

SU COMUNE DE ARDAULE PEDIT A SA POSTA DE TORRARE A ABÈRRERE OGNI DIE

Su Comune de Ardaule informat a sos tzitadinos ca at pedidu de torrare a abèrrere s'Ufìtziu postale ogni die, pro limitare sas filas longas chi ddue sunt in sas tres dies chi est abertu.

Torrare a s'oràriu normale de abertura cheret nàrrere, non solu, ca sos tzitadinos non depent prus abarrare ora meda isetende ma fintzas ca si èvitant sos atropòllios chi, in tempus de emergèntzia COVID 19 est racumandadu de non ddos fàghere.

Sa lìtera est publicada in sa pàgina istitutzionale Facebook de su Comune de Ardaule.

(MM)

SU COMUNE INFORMAT

Sa Sotziedade Teknoservice comùnicat ca mèrcuris 27 de maju, a su mangianu, sa carrera Fra Tommaso at a èssere pulida cun su mezu mecànicu.

Si pedit a sos tzitadinos de non si firmare in sa carrera printzipale a manera chi s'atividade de pulitzia non tèngiat istorbu e siat efitziente.

S'at a chircare de limitare sos chi podent èssere sos istorbos pro sos tzitadinos chi podent sinnalare cale si siat cosa a sa Dita chi est a disponimentu.

(MM)

UNU CONTU DE ESOPO DAE SA BIBLIOTECA DE ARDAULE

Sos pitzinnos, ma fintzas sos mannos, chi cherent ascurtare unu bellu contu de Esopo, ddu podent intendere in sa pàgina Facebook de su Comune de Ardaule, in ue Alessandra contat Su corbu e su margiane.

Sa Biblioteca comunale de Ardaule, chi fintzas in perìodu de epidemia COVID 19 non s'est firmada, pensende a sos prus piticos at cuncordadu custa atividade, gràtzias a su traballu de sas operadoras suas.

(MM)

AVIS de Ardaule: una die de ammentare!

Carchi die a como, in sa regorta de sàmbene, fata in sa sede Avis comunale sunt istadas donadas 35 sacas, chi non sunt pagas pro una bidda pitica comente Ardaule e mai di nde fiant regortas tantas gasi. Sos chi ant donadu e s'organizatzione ant fatu unu traballu bonu: si sunt presentados duos donadores a sa borta in s'oràriu cuncordadu; perunu problema pro mascareddas, guantes e distàntzias de rispetare; in tempus de emergèntzia COVID 19 totu podet èssere prus difìtzile.

Graziano Sussarello, su Presidente de s'Avis de Ardaule, manifestat totu sa cuntentesa pro sos resurtados bonos chi, in custas dies, est regollende sa setzione de sa bidda.

Su presidente Sussarello torrat gràtzias a dotor Bruno Floris chi at dadu un'agiudu mannu prestende dae sa setzione Avis de Paulle una poltrona pro sos donadore, gasi s'est pòdidu leare su sàmbene a duos donadores a sa borta. E torrat gràtzias fintzas a dotor Mauro Murgia e a s'infermiera Elisabeta Brasu chi non ant abbaidadu s'oràriu e ant sighidu a traballare pro regollere sàmbene su prus chi s'est pòdidu.

In su comunicadu, publicadu fintzas in sa pàgina Facebook istitutzionale de su Comune de Ardaule, su Presidente acabbat saludende duos donadores noos, Paolo e Agostino, e augurende·sì chi s'esperièntzia bella si potzat torrare a repìtere àteras bortas.

(MM)

Iscola Tzìvica de Mùsica Guilcer Barigadu: sa passione pro sa mùsica non si firmat!

In su perìodu longu de sa barantena pro su COVID 19 chi at firmadu su prus de sas atividades, s'Iscola Tzìvica de Mùsica Guilcer Barigadu at sighidu a traballare e, in acordu cun su Comune capufilera de Ilartzi, at fatu sas letziones cun sa didàtica a distàntzia, chi est de profetu in tempus de emergèntzia ma non podet sostituire de su totu sas letziones cun sa presèntzia fìsica.

Su Diretore de s'Iscola, Massimiliano Pani, e su Gestore Organizativu, Bruno Camera, ispiegant in unu comunicadu sa situatzione.

Pro garantire sa didàtica ma fintzas sas letziones in presèntzia, S'iscola Tzìvica ponet a disponimentu àteras risorsa econòmicas in prus.

Sos maistros ant intèndidu sos dischentes chi in medas ant dadu su disponimentu pro sas letziones on line. Sas letziones on line, ‘a distàntzia', ant a èssere unu bonus didàticu gratùitu chi no at a sostituire sas letziones in presèntzia chi s'ant a recuperare cando s'at a pòdere torrare a cumintzare.

Sos dischentes chi non podent sighire sas letziones a distàntzias, ca non tenent su tempus o sas ainas informàticas, ant a recuperare su matessi sas letziones.

Sas oras in prus de sas letziones a distàntzia ddas leat in càrrigu su Comune capufilera, duncas, sos àteros Comunes chi aderint a s'Iscola non at a tènnere àteras ispesas.

Custas ant a èssere sas modalidades de sa didàtica a distàntzia:

1) Piataforma Google Classroom pro sas letziones individuales in videochiamata tra maistru e dischente;

2) Pàgina Facebook de s'iscola, cun setzione ispetziale;

3) Impreu de WhatsApp, live e in differita , in su momentu e registradu.

Sas modalidades de sa videochiamata sunt

1) Zoom

2) Skype

3) https://meet.jit.si/

Fintzas chi non s'at a pòdere torrare a sa didàtica in presèntzia, sos maistros at a fàghere sas letziones on line pro sos dischentes chi ant chèrfidu e pòdidu aderire.

(MM)

BURSA DE ISTÙDIU NATZIONALE A FAVORE DE SOS ISTUDIANTES DE SAS ISCOLAS SEGUNDÀRIAS DE SEGUNDU GRADU, ISTATALES E PARITÀRIAS, PRO S'ANNU ISCOLÀSTICU 2019/2020.

BURSA DE ISTÙDIU NATZIONALE A FAVORE DE SOS ISTUDIANTES DE SAS ISCOLAS SEGUNDÀRIAS DE SEGUNDU GRADU· D. LGS. 13/04/2017 N. 63, ANNU ISCOLÀSTICU 2019/2020 (ISCADÈNTZIA 15/06/2020) - AVISU PÙBLICU E MÒDULOS DE DOMANDA.

In sa nova in limba italiana, publicada in su situ istitutzionale de su Comune de Ardaule s'agatat su mòdulu de domanda.

**************************************

COMUNE DE ARDAULE

BURSA DE ISTÙDIU NATZIONALE A FAVORE DE SOS ISTUDIANTES DE SAS ISCOLAS

SEGUNDÀRIAS DE SEGUNDU GRADU - D. Lgs 13/04/2017 n. 63

A.S. 2019/2020

AVISU

S'INFORMAT SA TZITADINÀNTZIA CA SI PODET PRESENTARE DOMANDA PRO OTÈNNERE SA BURSA DE ISTÙDIU NATZIONALE A FAVORE DE SOS ISTUDIANTES DE SAS ISCOLAS SEGUNDÀRIAS DE SEGUNDU GRADU, ISTATALES E PARITÀRIAS, PRO S'ANNU ISCOLÀSTICU 2019/2020.

PRO OTÈNNERE SA BURSA DE ISTÙDIU EST NETZESSÀRIU:

1. Èssere iscritos a s'annu iscolàsticu 2019/2020 in un'iscola segundària de segundu gradu de su sistema natzionale de istrutzione (iscolas istatales e paritàrias).

2. S'indicadore de sa Situatzione Econòmica Ecuivalente de sa famìllia de apartenèntzia depet èssere a intro de 14.650,00 èuros.

3. Compilare su mòdulu - domanda e allegare custa documentatzione.

- fotocòpia de s'atestatzione de s'ISEE vàlida e emìtida in cunforma a sa normativa previdida dae su DPCM n. 159/2013

- fotocòpia de su documentu de identidade vàlidu de su rechedente.

4. Presentare sa domanda a su Comune de residèntzia (Ufìtziu PROTOCOLLU), a intro de su 15 DE LÀMPADAS 2020. Sa domanda dda podet presentare su genitore, su rapresentante legale de s'istudiante o su matessi istudiante si magiorenne.

5. Sa domanda si podet presentare cun sa posta eletrònica tzertificada e/o ordinària (comente sèberat su Comune) a custu indiritzu: sociale@comuneardauli.it / protocollo@pec.comuneardauli.it

Su Comune at a trasmìtere a sa Regione Sardigna s'elencu de sos istudiantes chi podent èssere ammìtidos e sa Regione at a compilare una graduatòria regionale ùnica, in òrdine descrescente de ISEE, connoschende, in casu de ISEE uguale, sa pretzedèntzia a s'istudiante prus giòvanu de edade. S'elencu de sos istudiantes postos a manera ùtile in sa graduatòria, cheret nàrrere sos benefitziàrios de sa bursa, at a èssere trasmìtidu a su Ministeru de s'Istrutzione. Sa bursa a favore de sos istudiantes benefitziàrios at a èssere erogada cun bonìficu domitziliadu comente at a èssere istabilidu dae su Ministeru de s'Istrutzione. S'importu istabilidu pro ogni bursa de istùdiu est de 200 èuros.

INFORMATIVA PRIVACY

S'informativa est aprontada dae su Ministeru de s'Istrutzione e est publicada in su situ de su Comune www.comuneardauli.it e in su situ de su Ministeru: https://iostudio.pubblica.istrzione.it/web/guest/voucher

MODULÌSTICA E INFORMATZIONES

Sa modulìstica de impreare est a disponimentu in su situ de sa Regione Sardigna: www.regione.sardegna.it, in su situ de su Comune: www.comuneardauli.it e in su Comune de Ardaule.

Pro informatziones:

COMUNE

Ufìtziu Servìtzios Sotziales

Dies e oràriu de abertura: sos Ufìtzios sunt serrados pro s'emergèntzia Covid 19

Telèfono: 0783/651223 su lunis (mangianu e sero), su mèrcuris (sero)

Posta eletrònica: sociale@comuneardauli.it

Posta eletrònica tzertificada: protocollo@pec.comuneardauli.it

MINISTERU DE S'ISTRUTZIONE

situ web https://iostudio.pubblica.istrzione.it/web/guest/voucher

posta eletrònica: iostudio@istruzione.it

Ardaule, su 30.04.2020 SU SÌNDIGU

Massimo Ibba

Pro informatziones:

Ufìtziu/Òrganu: Servìtzios Demogràficos (Anàgrafe, Istadu Tzivile, Eletorale)

Referente: GHERARDO ORSINI

Indiritzu: Pratza Matteotti 2, 09081 Ardaule (ARISTANIS)

Telèfono: 0783651223

Fax: 0783651573

Posta eletrònica: demografici@comuneardauli.it

(MM)

SU COMUNE INFORMAT

Sistema Bibliotecàriu de su Barigadu at aderidu a Media Library Online

Su Sistema Bibliotecàriu de su Barigadu at aderidu a Media Library Online, una piataforma chi oferit a sas bibliotecas unu servìtziu de prèstidu digitale.

COMENTE S'ISCRÌERE:

Sos utentes depent ebbia dare sos datos issoro cun una telefonada e/o cun sa posta eletrònica (sambenadu, nùmene, còditze fiscale, indiritzu de posta eletrònica) a s'operadore de sa biblioteca chi at a pensare a abilitare s'utente a sa piataforma dende·ddi unu username e una password chi ddi ant a permìtere de intrare in sa piataforma www.medialibrary.it.

S'utente at a retzire unu messàgiu de posta eletrònica pro acabbare s'operatzione de abilitatzione, gasi podet impreare sos servìtzios ofertos dae sa piataforma a manera lìbera dae domo.

COMENTE INTRARE IN SU SERVÌTZIU:

Intra in sa piataforma www.medialibrary.it

Seletziona dae su menù a tendina su 'Sistema Bibliotecario del Barigadu' e pone sas credentziales tua.

As a pòdere usufruire de su servìtziu die e note, ogni die de sa chida, e usufruire de ogni genia diferente de ogetos multimediales postos a disponimentu dae sa piataforma: libros digitales (ebook), MP3, bancas datos, film, vìdeos, immàgines, audiolibros, formatzione dae a tesu (e-learning), cursos de limba, edìcola MLOL (giornales: rivistas, cotidianos e periòdicos natzionales e internatzionales).

Sos utentes chi ant a tènnere dificultade in sas fases diferentes (acabbare s'abilitatzione, iscarrigare libros digitales (ebook) e film, consultatzione edìcola, àteru) ant a pòdere intèndere in su telèfono e/o cun sa posta eletrònica sos operadores de sa biblioteca pro tènnere s'assistèntzia netzessària e/o consultare su situ MLOL in sa setzione ''Aiuto''.

Si pedit su praghere de cumpartzire.

#ioleggodacasa

(MM)

DONARE EST AMARE

Sa Setzione Avis de Ardaule comùnicat ca domìniga, su 3 de maju, in sa sede Avis comunale in s'ex Iscola Elementare, s'at a pòdere donare su sàmbene.

Pro evitare atropòllios e assegurare su rispetu de sas mesuras de seguresa, si pedit su praghere de cunsertare un'apuntamentu pro sa donatzione cuntatende su Presidente de Setzione, Graziano Sussarellu.

S'ammentat ca sa donatzione de su sàmbene est una de sas 'situatziones de netzessidade'e chi, cun s'autotzertificatzione, est permìtidu a s'ispostare.

Sa salude de meda persones, ancora de prus in custu pretzisu momentu chi semus bivende, dipendet dae s'agiudu e sa disponibilidade de ognunu de nois: no ismentighemus de fàghere un'atzione pitica chi podet fàghere manna sa vida!

(MM)

ARDAULE - COLORES CONTRA SU VIRUS

In Ardaule, a s'emergèntzia coronavirus si ddi parat fronte fintzas cun sos colores.

S'Amministratzione comunale ghiada dae su sìndigu Massimo Ibba est dende fintzas mascareddas fatas cun roba colorada e de fantasia. In custu momentu de emergèntzia unu pagu de allegria podet agiudare a èssere prus otimistas. Paris cun custa colorada, in su kit b'at finas una mascaredda chirùrgica e sas istrutziones pro impreare su dispositivu in sa manera mègius.

''Sa salude nostra, in unu momentu de cunfusione e de provisoriedade comente su chi semus bivende, dipendet prus che totu dae comente ognunu de nois si cumportat e dae sas precautziones chi impreamus pro amparare a nois e a chie est acanta de nois'' si leghet in sa pàgina Facebook de su Comune de su Barigadu. ''Pro custu amus comintzadu a dare a ogni famìllia una mascaredda, comporada dae s'Amministratzione, pro invitare a sighire cun iscrùpulu totu sas règulas chi serbint pro limitare chi su virus si sigat a istèrrere''.

Sas mascareddas si podent distribuire a totu sas famìllias de Ardaule pro more de sa generosidade e de s'impignu de tantos voluntàrios e assòtzios locales (Santu Chìrigu, Festa de maju, Santos Còsomo e Damianu, Pro loco, Cumpangia teatrale, Unione isportiva e coro Bonucaminu).

Su Comune invitat a totus a abarrare in domo.

(GFP/MM)

Mesuras istraordinàrias e urgentes a sustegnu de sas famìlias pro fàghere fronte a s'emergèntzia econòmicu - sotziale causada dae sa pandemia SARS-CO V2 (Corona Virus)

§ Mesuras istraordinàrias e urgentes a sustegnu de sas famìlias pro fàghere fronte a s'emergèntzia econòmicu - sotziale causada dae sa pandemia SARS-CO V2

In su situ istitutzionale de su Comune de Ardaule, in sa nova in limba italiana si podet iscarrigare su mòdulu pro sa domanda.

************************************

UNIONE DE SOS COMUNES DE SU BARIGADU

Ardaule - Bidoniu - Busache - Fordongianus - Neoneli - Nughedu Santa Itòria - Samugheo - Sorradile - Ula

Localidade Giolantine - (09082) Busache (Aristanis) - Tel. 0783.60123 - Fax 0783.60323

Còditze Fiscale e Partida I.V.A. 01116420959

situ web: www.unionecomunibarigadu.it - posta eletrònica: info@unionecomunibarigadu

COMUNE DI ARDAULI

AVISU PÙBLICU

'Mesuras istraordinàrias e urgentes de agiudu a sas famìlias pro fàghere fronte a s'emergèntzia econòmicu - sotziale causada dae sa pandemia SARS-CO V2'

1. Rechisidos de ammissione

Podent fàghere domanda sas famìlias residentes e domitziliadas in su Comune a sa data de su 23.02.2020:

a) chi sos chi nde faghent parte siant (a su nessi una cunditzione):

- traballadores dipendentes o autònomos chi apant tentu s'atividade de traballu firmada, suspèndida, o reduida pro more de s'emergèntzia epidemiològica de Covid-19 e chi sos meres de su traballu no apant usufruidu de sas formas de integratzione salariale o bi siant passados pro more de su decretu lege 17 de martzu 2020, n. 18;

- traballadores titulares de raportos de collaboratzione coordinada e continuativa iscritos a sa gestione separada de categorias econòmicas chi ant tentu s'atividade firmada, suspèndida, o reduida pro more de s'emergèntzia epidemiològica de Covid-19;

- titulares de partidas IVA, o sòtzios de sotziedades iscritos a sa gestione de s'asseguratzione generale obligatòria (AGO) de categorias econòmicas chi ant tentu s'atividade firmada, suspèndida, o reduida pro more s'emergèntzia epidemiològica de Covid-19;

- collaboradores de impresas familiares de categorias econòmicas chi ant tentu s'atividade firmada, suspèndida, o reduida pro more de s'emergèntzia epidemiològica de Covid-19;

- chie non teniat rèdditu de traballu o de impresa a sa data de su 23 de freàrgiu 2020.

b) cun rèdditu inferiore a € 800,00 a su mese pulidos in su perìodu 23.2.2020/23.4.2020.

2. Càusas de esclusione

Non benefìtziant de s'indennidade sas famìlias fintzas a tres persones e chi a su nessi unu de sos chi nde faghet parte tiret una pensione o unu rèdditu de traballu dipendente o de atividade de traballu chi no est istada suspèndida o no est istada riduida pro càusa acapiadas a s'emergèntzia epidemiològica de Covid-19, chi s'importu siat uguale o superiore a èuros 800,00, a sa data de sa presentatzione de sa domanda.

3. Critèrios de cuntzessione de sas indennidades

Sas indennidades ant a èssere erogadas in s'òrdine cronològicu de sa presentatzione de sas domandas.

S'anàlisi at a èssere fata pro sos nùcleos familiares e non pro sos indivìduos, leende in cunsideru sas informatziones giai connotas dae sos ufìtzios comunales e de s'autotzertificatzione indicada in s'artìculu 6 de custu avisu.

Su Comune protzedit a manera cuntestuale a s'anàlisi de s'abbisòngiu chi at a èssere fata dae sos ufìtzios comunales, fintzas in acordu e collaboratzione cun s'ente gestore de sos servìtzios sòtziu-assistentziales (PLUS) o àteros entes.

4. Indennidades chi ispetant

S'indennidade si podet acumulare cun àteras formas de sustegnu a su rèdditu, fintzas collegadu a s'emergèntzia epidemiològica de Covid-19, fintzas a 800 èuros a su mese pro sas famìlias fintzas a tres persones. Pro ogni àtera persone in prus sunt cuntzèdidos 100 èuros.

5. Modalidades de erogatzione e fruitzione de sas providèntzias

Sas providèntzias ant a èssere erogadas:

˗ tèssera CNS;

˗ cartas prepagadas;

˗ bonìficu bancàriu;

˗ àteras formas permìtidas dae sa lege.

6. Comente presentare sa domanda pro tènnere sas providèntzias

Sa domanda pro otènnere sas indennidades est in forma de AUTOTZERTIFICATZIONE, chi est fintzas s'atestatzione de sa beridade de sas decraratziones fatas.

S'autotzertificatzione si depet presentare impreende su modellu apòsitu allegadu, paris cun su documentu de identidade de su chi faghet sa rechesta, e si podet trasmìtere cun sa posta eletrònica a s'indiritzu sociale@comuneardauli.it o cunsignada a manos, si ddu sèbera su richiedente, a su Comune de Ardaule - Ufìtziu Servìtziu Sotziale.

7. Controllos

Su Comune at a fàghere sos controllos dèpidos, fintzas a campione, pro controllare sa beridade de sas decraratziones sostitutivas fatas pro otènnere sas providèntzias, fintzas pedende de produire atestatziones pretzisas, agigu chi sas diretivas natzionales ant a permìtere de torrare a sas atividades normales.

S'ammentat ca, a norma de sos artt. 75 e 76 de su D.P.R. 28/12/2000, n. 445 e sas modificatziones e integratziones fatas a pustis, chie faghet decraratziones farsas est punidu cunforme a su còditze penale e de sas leges ispetziales in matèria e, pro sa decraratzione non bera, perdet sos benefìtzios chi, in casu, podiat otènnere dae su provedimentu emìtidu aende presentadu una decraratzione non bera.

8. Responsàbile de su Protzedimentu

Su Responsàbile de su Protzedimentu est s'Assistente Sotziale Marinella Casula.

9. Publitzidade

Custu avisu at a èssere publicadu paris a su modellu de domanda, in sa home page de su situ istitutzionale de su Comune de Ardaule e in cussa de su situ istitutzionale de s'Unione de sos Comunes de su Barigadu.

10. Informativa pro su tratamentu de sos datos personales REG. UE N. 679/2016

S'Unione de sos Comunes de su Barigadu, comente titulare de su tratamentu, at a impreare sos datos personales cunferidos cun modalidade prus che totu informàticas e telemàticas, pro s'esecutzione de sos còmpitos pròpios de interesse pùblicu o semper e cando collegados a s'esertzìtziu de sos poteres pùblicos pròpios; sunt inclùdidas sas finalidades de archiviatzione, de chirca istòrica e de anàlisi pro iscopos istatìsticos. Sos datos ant a èssere tratados pro totu su tempus chi at a serbire pro sa congruida de su protzedimentu-protzessu o pro s'esecutzione de su servìtziu-atividade pedida e, a pustis pro sa congruida de su protzedimentu-protzessu o sessamentu de su servìtziu-atividade. Sos datos ant a èssere costoidos a manera cunforme a sas normas in contu de sa remunidura de sa documentatzione amministrativa.

Sos datos ant a èssere tratados a manera esclusiva dae su personale e dae sos collaboradores de su titulare e s'ant a pòdere comunicare a sugetos designados a manera apòsita comente responsàbiles de su tratamentu.

Foras de custas ipòtesis sos datos no ant a èssere comunicados a àtere o difùndidos, si no cando est prevididu a manera ispetzìfica dae su diritu natzionale o dae s'Unione europea.

Sos interessados tenent su diritu de pedire a su titulare de su tratamentu de pòdere atzèdere a sos datos personales e a sa retìfica o a cantzellare sos datos o a sa limitatzione de sos tratamentos chi ddis pertocat o de si opònnere pro su tratamentu (artt. 15 e sos chi sighint de su RGPD).

Sos interessados, si bi sunt sas cunditziones , tenent, fintzas, su diritu de propònnere reclamu a s'Autoridade de controllu (Garante Privacy) sighende sas protzeduras prevididas.

Su Responsàbile de su Servìtziu sotziale Assotziadu

f.du Ass. Sotziale Maria Mascia

Pro informatziones:

Ufìtziu/Òrganu: Servìtziu Demogràficu (Anàgrafe, Istadu Tzivile, Eletorale)

Referente: GHERARDO ORSINI

Indiritzu: Pratza Matteotti 2, 09081 Ardaule (ARISTANIS)

Telèfono: 0783651223

Fax: 0783651573

Posta eletrònica: demografici@comuneardauli.it

(MM)

Emergèntzia COVIS-19: s'isportellu de sa limba sarda sighit a traballare

otziedade Cooperativa L'altra cultura

Si avisat chi, pro more de s'emergèntzia pro sa Covid-19, sas fainas de s'isportellu linguìsticu, fintzas a su 3 de su mese de maju e francu perlongamentos chi ant a istabilèssere sas autoridades, ant a sighire cun su teletraballu.

Sos operadores de isportellu sunt comente si siat a disponimentu pro cale si siat bisòngiu de tradutziones, fainas de interpretariadu, consulèntzias grammaticales e ortogràficas, consulèntzias didàticas, inditos bibliogràficos, sitogràficos, etc.

Sos operadores si podent chircare telefonende ònnia die, intra de sas 8 de mangianu e sas 8 de merie, a su nùmeru 349.6025986 o mandende unu messàgiu a s'indiritzu de posta eletrònica isportellu.limba.barigadu@gmail.com

SESSAMENTU DE SA CASELLA PEC protocollo@comuneardauli.gov.it

Si comùnicat ca, in data 30/04/2020, at a tzessare s'impreu de sa casella PEC protocollo@pec.comuneardauli.gov.it chi at a èssere sostituida dae sa casella PEC noa protocollo@pec.comuneardauli.it

Pro informatziones

Ufìtziu/Òrganu: Servìtzios Demogràficos (Anàgrafe, Istadu Tzivile, Eletorale)

Referente: GHERARDO ORSINI

Indiritzu: Pratza Matteotti 2, 09081 Ardaule (ARISTANIS)

Telèfono: 0783651223

Fax: 0783651573

Posta eletrònica: demografici@comuneardauli.it

(MM)

COVID-19 / MESURAS NOAS ESERTZÌTZIOS CUMMERTZIALES

(DPCM 10 Abrile e Ordinàntzia regionale 13 Abrile)

S'ordinàntzia regionale, fintzas a su 3 de maju, at dispostu in SARDIGNA custu:

PRO SAS PERSONES

- est de òbligu a si pònnere sa mascarina e sos guantes monouso (de usare una borta ebbia) cando si abarrat a intro de sos locales;

- si depet mantènnere SEMPER sa distàntzia dae una persone a s'àtera siat a intro chi cando s'ispetat de intrare in su locale.

PRO SOS LOCALES

- pulitzia e igiene ambientale a su nessi duas bortas a sa die e in funtzione de s'oràriu de abertura.

- adeguada aereatzione naturale e càmbiu de s'àera.

- presèntzia costante de ainas pro sa disinfetzione de sas manos (prus che totu acanta de sas tastieras e sistemas de pagamentu).


SAS INTRADAS ANT A DÈPERE ÈSSERE REGULADAS:
✔ oràrios de abertura prus longos;

✔intradas limitadas a segunda de sos metros cuadros de su locale (prus pagu de 40 metros cuadros: màssimu 1 persone a sa borta; prus de 40 metros cuadros in funtzione de su logu a disponimentu);

✔ in ue est possìbile, s'intrada e s'essida depent èssere diferentes.

(MM)

BONOS ISPESA PRO COMPORARE ALIMENTOS E PRODOTOS DE PRIMA NETZESSIDADE

Sos tzitadinos tocados dae sa situatzione econòmica chi at causadu s'emergèntzia COVID-19 podent presentare domanda pro benefitziare de ''bonos ispesa'' pro comporare genere alimentares e prodotos de prima netzessidade.

In s'avisu n limba italiana publicadu in su situ istitutzionale de su Comune de Ardaule si podent lèghere e iscarrigare custos documentos:

ELENCU ESERTZÌTZIOS CUMMERTZIALES CHI ADERINT

DOMANDA BONU ISPESA

AVISU PÙBLICU 2020 UNIONE BONOS ISPESA

***************************

UNIONE DE SOS COMUNES DE SU BARIGADU

Ardaule - Bidoniu - Busache - Fordongianus - Neoneli - Nughedu Santa Itòria - Samugheo - Sorradile - Ula

Localidade Giolantine - (09082) Busache (Aristanis) - Tel. 0783.60123 - Fax 0783.60323

Còditze Fiscale e Partida I.V.A. 01116420959

situ web: www.unionecomunibarigadu.it - posta eletrònica: info@unionecomunibarigadu.it

ORDINÀNTZIA DE SU CAPU DE SU DIPARTIMENTU DE SA PROTETZIONE TZIVILE N. 658 DE SU 30/03/2020 N. 658 DE SU 29/03/2020 - ÀTEROS INTERVENTOS URGENTES DE PROTETZIONE TZIVILE IN RELATZIONE A S'EMERGÈNTZIA CHI PERTOCAT S'ARRISCU SANITÀRIU COLLEGADU A SA CUMPARSA DE PATOLOGIAS CHI DERIVANT DAE AGENTES VIRALES CHI SI PODENT TRAMÌTERE. FUNDU DE SOLIDARIEDADE 2020.

Avisu pùblicu pro sa cuntzessione de sos bonos ispesa alimentare

Su Responsàbile de su Servìtziu Sotziale Assotziadu in esecutzione de sa Determinatzione pròpia de su …..

FAGHET PÙBLICU

Ca si podet presentare domanda, a su Comune pròpiu de residèntzia, pro otènnere unu ''bonu ispesa'' gasi comente est prevididu dae s'Ordinàntzia de su Capu de su Dipartimentu de sa Protetzione Tzivile n. 658 de su 30/03/2020, chi cunsistet in s'erogatzione de unu bonu pro comporare gèneres alimentares de prima netzessidade e bòmbolas de su gas.

Sos bonos de ispesa sunt erogados in deretura a unu referente de sa famìlia chi nde benefìtzias e chi ddos at a pòdere ispèndere in sas butegas iscritas in s'elencu apòsitu ammaniadu dae ogni Comune de s'Unione de sos Comunes de su Barigadu, comente est publicadu in su situ istitutzionale de ogni Comune assotziadu.

Su bonu ispesa si depet cunsiderare comente una tantum, chi si podet erogare in su tempus de sa situatzione de emergèntzia.

Sos interessados sunt invitados a cuntatare, cun su telèfono o cun sa posta eletrònica, su Comune pròpiu de residèntzia, pro pedire su bonu ispesa. Su chi presentat sas domanda a pustis at a èssere cuntatadu dae su servìtziu sotziale comunale, chi cunsiderende sa situatzione familiare rapresentada in forma de autotzertificatzione/decraratzione, chi depet compilare su chi faghet sa domanda, at a emìtere bonos ispesa in paperi chi ant a èssere cunsignados, in su domitzìliu de su rechedente, dae sa politzia locale o un'operaju comunale o voluntàrios o su barratzellu, àteros. Su bonu ispesa s'at a pòdere ispèndere in sos esertzìtzios cummertziale cunventzionados pro custa netzessidade.

1. Su ''bonu ispesa'' est calificadu gasi:

Importu de su bonu n. cumponente de sa famìlia

150,00 èuros 1 cumponente

250,00 èuros 2 cumponentes

325,00 èuros 3 cumponentes

375,00 èuros 4 cumponentes

400,00 èuros 5 e prus cumponentes

Su bonu si podet dare siat pro comporare benes de prima netzessidade siat pro comporare sa bòmbola de su gas.

Sos benes de prima netzessidade sunt:

❖ Pane ❖Abba ❖Pasta ❖ Arrosu ❖ Late ❖ cafè/the/camomilla ❖Farina ❖ Ògiu ❖ Fruta e berdura (francu mèndula, nughe, nutzola americana e sìmiles) ❖ Produtos in botos (comente legùmenes, pische,petza, trigu moriscu, àteru.) ❖ Cunserva e purpa de tomata ❖ Tzùcaru ❖ Sale ❖ Petza e pische (francu alimentos de gastronomia de lussu fintzas cussos surgelados - ebbia surgelados sèmplitzes)❖ oos ❖casu ❖Produtos alimentares pro sos pipios piticos (omogeneizados, biscotos, late, bragallitos, àteru.) e produtos alimentares pro tzelìacos ❖ produtos pro s'igiene personale e pro illitzire de sa domo.

Non si podent comporare alcòlicos e licores forte, produtos e alimentos pro animales, tabacu e sigaretas e sas ricàricas pro su telèfono.

2. Podent presentare domanda sa persones e sas famìlias chi, pro sas limitatziones emanadas dae su Guvernu pro firmare sa difusione de su COVID-19, non tenent peruna intrada econòmica a su mese e sos chi non sunt tirende àteros agiudos pùblicos (pro nàrrere: RDC, REI, NASPI, àteru), o totu sos chi sunt in una situatzione de netzessidade, pòberos a beru e/o in dificultade sòtziu-econòmica ca ant pèrdidu su traballu, ant firmadu s'atividade de traballu e non tenent paga, chi non tenent a disponimentu risorsa bastantes pro su mantenimentu de sa famìlia.

Su Comune at a controllare sas decraratziones fatas e in casu de decraratziones farsas at a leare provedimentos in mèritu.

Su mòdulu pro presentare sa domanda si podet iscarrigare dae su situ de su Comune pròpiu e/o dae cussu de s'Unione de sos Comunes de su Barigadu o si podet pedire in paperi a su Comune de residèntzia.

Pro àteras informatziones e/o crarimentos si podet cuntatare su Servìtziu Sotziale de su Comune pròpiu de residèntzia a custos nùmeros de telèfono o a custos indiritzos de posta eletrònica.

Comune n. telèfono Indiritzu posta eletrònica

Ardaule 3294167294 sociale@comuneardauli.it

Bidoniu 078369044 assistente.sociale@comune.bidoni.or.it

Busache 3517333009 servizisociali@comune.busachi.or.it

Fordongianus 0783026611 sociale@comune.neoneli.or.it

Samugheo 078364256 Tzellurare 3510286322 sociale@comune.samugheo.or.it

Sorradile 078369023 servizisociali@comune.sorradile.or.it

Ula 078361000 sociale@comune.ulatirso.or.it

Busache, ……….

Su Responsàbile de su Servìtziu Sotziale Assotziadu

f.du Maria Mascia

(MM)